KAN IN DON!

Dallas Chin Baptist Church maivan ah na rak kan len caah kan i lawm. Bawi Khrihfa min in kan in don i na kutnem kan i tlaih! Na kan lennak thawng hin Bawipa a thawnnak kutneh le keneh na hmuh khawh ve ding hi kan thlacamnak asi. Bawipa nih a kut tthawng in lam in hruai ko seh! Na kan len caah kan i lawm.

 

DCBC Kong Tawi

Dallas Fort Worth area ah Laimi biatak te um kan i thawk cu 2000 hrawnghrang in a rak si. 2001 ah Laimi Khrihfabu 2 a rak um i cu bu hnih cu von i fonh asi i Dallas Chin Baptist Church tiah min pek asi. DCBC cu Chin Baptist Church tiah a min von thlen asi, Dallas khua lawng si loin a pawngkam khua–a biana ah, Fort Worth le Lewisville tbt–zong huat kho ding in. Irving, Texas ah rak i pumh asi. January 2011 ah Dallas sang ummi upa hna nih pumhnak a hlat ruangah zapi an i pumh khawh lo ning le chungtel i tlaangtlaaknak ah a chambaumi pawl an zoh tikah Dallas sang ah pumhnak tuah ding in khua an rak khang. Dallas sang ummi mipi zong nih a ttha an ti caah 2001 lio i rak sakmi minte, Dallas Chin Baptist Church, cu nanhchih in minung 300 nih rak thawk a rak si.

Nihin DCBC

Kum 4 kan kal cang i nihin 2015 ahcun chungtel 877 kan hong phan cang! Malaysia, Kawlram, India lei le State dang in aa rak i tthial tharmi hna i tlangtlaknak lei ah siseh Kawlram lei mission rian ttuannak ah siseh heh tiah rian a ttuan (Mission Department ah tlamtling deuh in zoh khawh asi). DCBC a dir hnawhchanmi cu mission rian ttuan asi. DCBC chungtel hi State dang, a biana ah Louisiana lei, zongah an um, Texas ramkulh asimi San Antonio le Sherman zongah an um. Sherman chungtel hna cu thla khat ah voi 2 an mah tein pumhnak an ngei kho; Dallas zongah an rat khawh caan paoh ah an rak i pum. Cuve bantuk cun Dallas lei Khrihfa Upa, pastorte le mino hna zong nih kan va leng ve lengmang hna. Ram dang ara dingmi le State dang in a rak i tthial dingmi tuak tikah DCBC hi kan karh chin te ttheu lai tiah ruahchannak kan ngei. Pathian Khrihfabu asi bantuk in Amah lila nih lam a kan hruai cang bantuk in a ra laimi caan zongah a kan umpi lai tiah ka zumh. Ruahnak thazang lungkhat tangrual in DCBC hi minih zohchunhawtlak kan si dingmi le dawtnak, micung zawnruahnak lungput he hmaiah karhlangti hna uh sih. 2015 Chungah pathian nih kan chungkhar dihlak pumpak pakhat ceu damnak he lam kan hruai hram ko seh.

Livestream Zohnak asi. Atang Hi Hmetlaw zohkhawh a si.

Gallery